نصائح هامه قبل تأسيس الشركات الخاصه في مصر لسنة 2020
ـــــــــــــــــــــــــــــــــــــــــــــــــــــــــــــــــــــــــ
شويه نصائح للناس اللي ناويه تاسس شركات في الفتره القادمه سواء محامين او اصحاب شان
– اول واهم حاجه ماتعملش راس مال كبير لاي سبب الا للضروره القصوي اللي هي مثلا انت متاكد انك داخل مناقصه وحاتاخدها ومشترطين راس مال معين او بالفعل انت بتتعامل مع شركات وجهات مشترطه راس مال معين غير كده مش حايفيدك انك تقول راس مالك عشروميت مليار دولار ولا ليها لازمه ومهما كانت الاغراءات والتسهيلات اللي بتقدمهالك الدوله اوعي تزود او تعلي راس مالك راس مالك ديما مايعديش ال10000جم للشركات المسوليه والمساهمه 250000 جم والشخص انت مجبر ب50000جم والاشخاص 300000جم ويفضل تعمل مسءوليه ب10000جم حلو اوي .
-حط كل الانشطه اللي بتعملها واللي مابتعملهاش لو قانون 159 النشاط الواحد بعد كده حايبقي برسم لوحدو بعد كده حانتحاسب بالحرف لو انت قانون 72 خلاص انت ملزم بنشاط او اتنين مش حاتعمل غيرهم.
-لازم تقدم عقد ايجار لمقر شركتك وقت التاسيس ماتسمعش لاي موظف يقولك مش محتاجه لا اتمسك انك حاتقدمه وانت بتفتح ملفك الضريبي عشان البهوات بيشترو دماغهم ويطلعبك البطاقه بسنه وبعد كده تروح تتحايل في الماموريه الرءيسه عشان ينزل يعملك معاينه وتاخد بطاقه جديده ب5 سنين في وقت ممكن تكون بتخلص فيه شحنه مثلا يقولك اصلك بطاقتك منتهيه حاتلبس وقت وجهد وفلوس عشان البيه الموظف يريح نفسه.
-وانت بتاسس تراجع عقدك بالحرف وبالكلمه وتاخد معاك عصيرك وسندوتشاتك وتطابق كل حرف بالمستندات اللي معاك حتي لو حاتقعد مع الموظف للساعه 2 بليل دا حقكك ماتستعجلش الخطا المادي دلوقت بيحاسبوك عليه بنفس الرسوم من اول وجديد كانك بتاسسها تاني
-لازم تعمل بيان مفرغ بالداتا اللي حاتحطها في عقد التاسيس وتمضي عليها كل الشركاء عشان محدش يجي يقولك انا ماطلبتش دا وماقولتش دا وتاخدها من ايده لايد الموظف ينقل منها دروك تطابق الورقه دي بالعقد قبل ماتوقع.
-حدد نسب حضور الجمعيات قبل التاسيس مع الشركاء .
-في المسءوليه المحدوده حدد تعديل مقر الشركه بقرار اداري من المدير واتاكد انها اتكتبت.
-حاول ماتاسسش في اي فرع غير القاهره عشان باقي الفروع ربنا يشفيهم عندهم فراغ فاتعودوا مايشتغلوش ويتلككوا ويشغلوك روح وتعالي
-قبل ماتاسس شركتك اعرف التراخيص والتصاريح المطلوبه بعد التاسيس الاول عشان ممكن يطلب منك راس معين نسبه شركا مصريين معينه وهذا حاتبدا من الاخر مش من الاول لو فيه تراخيص
-حاول تتابع ديما التعديلات اللي بتحصل وتقرا القوانين الجديده.
لو افتكرت حاجه حاتاني حاعدل البوست واللي عندوا حاجه يضيفها ياريت
-ماتاخرش الشغل عشان التاخير في اي حاجه بفلوس دلوقت ابو جنيه امبارح ب1000جم بكره
العنوان : 10ج ميدان ابن سندر خلف البنك العربي الإفريقى – منشية البكري – القاهرة
مواعيد العمل : يومياً من الساعة 9 صباحاً إلى 10 مساءً
موبايل : 00201061680444
واتساب : 00201061680444
البريد الإلكتروني
info@hayamgomaa.com
Originally posted 2020-01-18 14:57:26.
